საქართველოს ტექნიკური უნივერსიტეტის საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტის ქართული ფილოლოგიისა და მედიატექნოლოგიების აკადემიური დეპარტამენტის პროფესორ-მასწავლებლები პროექტის "შეხვედრები დამსაქმებელთან" ფარგლებში შეხვდნენ საზოგადოებრივი მაუწყებლის სამეურვეო საბჭოს თავჯდომარეს გიორგი გოგელიას და საბჭოს წევრს გია იაკობაშვილს; შეხვედრას ესწრებოდნენ: ფაკულტეტის დეკანი პროფესორი ივანე ჯაგოდნიშვილი, ფაკულტეტის ხარისხის უზრუნველყოფის სამსახურის უფროსი ასოცირებული პროფესორი ეკატერინე შაკიაშვილი, ფაკულტეტის მასობრივი კომუნიკაციის/ჟურნალისტიკის საგანმანათლებლო პროგრამების (ბაკალავრიატი,მაგისტრატურა, დოქტორანტურა) სტუდენტები. პროფესურამ სტუმრებს გააცნო მასობრივი კომუნიკაციის/ჟურნალისტიკის სამივე საფეხურის საგანმანათლებლო პროგრამები, სასწავლო კურსები, სასწავლო ლიტერატურა, მატერიალურ-ტექნიკური ბაზა; შეხვედრამ ჩაიარა დიალოგის ფორმატში; მხარეებმა ისაუბრეს დარგში არსებულ გამოწვევებზე და დასახეს სამომავლო თანამშრომლობის ღონისძიებები.
