პოეტ რევაზ სტურუასთან შეხვედრა საქართველოს ტექნიკური უნივერსიტეტის საინჟინრო ეკონომიკის,მედიატექნოლოგიებისა და სოციარულ მეცნიერებათა ფაკულტეტსა და სამართლისა და საერთაშორისო ურთიერთობების ფაკულტეტზე გაიმართა,რომელსაც პროფესორ-მასწავლებლები,პოეტები და სტუდენტები ესწრებოდნენ. შეხვედრაზე პოეტმა დამსწრე აუდიტორიას ქართველ და აზეირბაიჯანელ სტუდენტებთან ერთად თავისი შემოქმედებიდან რამდენიმე ლექსი შესთავაზა.შეხვედრა ორი საათის განმავლობაში მიმდინარეობდა. ქართული ფილოლოგიისა და მედიატექნოლოგიების ცენტრის ხელმძღვანელმა-თემურ ჯაგოდნიშვილმა რევაზ სტურუას შემოქმედებაზე ისაუბრა: „დღვანდელი შეხვედრა ბატონ რეზო სტურუასთან პოეზიასთან, კიდევ ერთხელ მიახლოება და ამ პოეზიით ტკბობა იყო.ყოველდღიურობა და ჩვენი ყოფა რეზო სტურუას პოეზიის ძირითადი სათქმელია.ნაწილობრივ ამაში დღევანდელმა შეხედრამაც დაგვარწმუნა და მე დიდი მადლობელი ვარ ჩვენი სტუდენტების“. შეხვედრაზე სტუდენტების ჩართულობაზე ისაუბრა პოეტმა რევაზ სტურუამ: „ ჩემთვის სიურპრიზი იყო,რომ მეუბნებოდა პროფესორი ჯაგოდნიშვილი,რომ ეს ახალგაზრდობა, როდესაც საქართველოში ჩამოვიდა ერთი წლის წინ,თუმცა არც კი გასულა ერთი წელი საქართველოში,ისინი ქართულად ვერც კი ლაპარაკობდნენ, ვერ მეტყველებდნენ ეხლა კი უკვე ლექსებს კითხულობენ.ეს არის ძალიან დიდი საქმიანობა,დიდი ეროვნული საქმე და ამისთვის ყველა მათგანს მინდა დიდი მადლობა გადავუხადო,მათ შორის კი თითოეულ თქვენგანს,იმედია ისევ შევხდებით“ . საინჟინრო ეკონომიკის,მედიატექნოლოგიებისა და სოციალურ მეცნიერებათა ფაკულტეტის სტუდენტმა-ალექსანდრე დორეულმა კი პოეტთან შეხვედრა შეაფასა: „ ბატონ რეზო სტურუას საღამო ძალიან საინტერესო იყო თავისი გამომსვლელების სახით,მოწვეული პოეტებისა თუ პროფესორების სიტყვებით და ასევე სტუდენტებს მადლობა,მათ შორის ჩემს თავსაც,იმიტომ,რომ ძალიან ვნერვიულობ ხოლმე ასეთ დროს,იმედია კარგი გამოვიდა“.